Murgpampoen noedels: Alles wat jy behoort te weet

Murgpampoen noedels: Alles wat jy behoort te weet

Murgpampoentjies bevat baie water en vesel, maar geen vet! Lees hierdie artikel om meer uit te vind oor die nuutste modegril in die organiese voedselindustrie: murgpampoen noedels.

Wat is murgpampoen noedels?

Murgpampoen noedels of murgpampoen pasta verwys eenvoudig na rou murgpampoentjies wat op so ‘n manier gesny word om die voorkoms en tekstuur van gewone noedels, spesifiek spaghetti, na te maak.

Die doel van die dis is nie om ‘n plaasvervanger vir pasta te wees nie, maar eerder om groente op ‘n nuwe, innoverende, kreatiewe en prettige manier voor te berei buiten die gewone kook, stoom of bak.

Hoe om dit te maak

Daar is 3 maniere om murgpampoen noedels te maak. Met elk van die metodes kan jy die breedte van die noedels aanpas volgens jou persoonlike voorkeure.

  1. Spiraalsnyer

Hierdie kombuistoestel se primêre doel is om groente in spiraalvorme te sny. Die toestel kan gestel word om noedels in verskillende diktes te sny. Daar is verskillende make en modelle beskikbaar, met pryse wat wissel tussen enige iets van R80 tot R1 500.

  1. Rasper

Gebruik ‘n rasper met medium tot groot gate. Rasper die murgpampoentjies in die lengte deur en werk in lang, stadige bewegings.

  1. Groenteskiller

Kerf die murgpampoen liggies met die groenteskiller in die lengte deur om lang, plat, dik velle/linte te verkry – soortgelyk aan “tagliatelle” pasta.

Maniere om murgpampoen noedels op Die 28 Dae Eetplan te eet

· 1 Groente – Stoom die murgpampoen pasta met ‘n bietjie suurlemoensap en geniet as 1 groentesoort.

· Bykos – Geniet as ‘n bykos by proteïene soos Vis & Groente, Hoender & Groente en Rooivleis & Groente

· Slaai – Verruil jou blaarslaai vir murgpampoen noedels vir ‘n unieke, vullende slaai.

Sien ook Eet & Geniet Resepteboek vir ‘n heerlike “Spaghetti Bolognaise” resep deur die gebruik van murgpampoen pasta.

#groente #resep #pasta #noedels #resepteboek

Leave a Reply

avatar
  Subscribe  
Notify of
error: Content is protected !!
×

Cart